ልጃችን አንተ ጋር ከመጣ በኋላ ላየናቸው አስገራሚ መሻሻሎችና ለውጦች ልናመሰግንህ እንፈልጋለን። ቀደም ሲል በነበሩት ጊዜያት እጅግ በጣም ተስፋ ቆርጦና መኖሩን ጠልቶ ነበር። ምክንያቱም እኛም ሆንን የትምህርት ቤቱ ማኅበረሰብ ሊረዳው አልቻለም ነበር። ያለውን የተለየ ባህርይ እንዲቀይር ተገቢ ባልሆነ መንገድ ከባድ ጫና እናደርግበት ነበር። በትምህርት ቤትም ቢሆን እንደ ረባሽ፣ የማይታዘዝና ሕግ እንደማያክብር ተማሪ ነው የሚታየው። ይህም ልጃችን ከባድ ጭንቀት እንዲይዘው ምክንያት ሆኗል። ትምህርትም የመማር ፍላጎቱ ጠፍቶ ነበር። ትምህርት ቤት የሚሄደው እኛ ስለምናስገድደው ብቻ ነበር። የራሱ ባህርይ ለራሱም ግራ የሚያጋባ ሆኖበት ነበር። የሚያስቀጣውን እና ሌሎችን ሊያበሳጭ የሚችል ነገር ለምን እንደሚያደርግ አይረዳም ነበር። አንተን ካገኘን በኋለ ግን እርሱም ሆነ እኛ የተሰማንን እፎይታ እና ሰላም በቃላት ለመግለፅ ይከብዳል። ከዚያ በኋላ ለራሱ ማሰብና ከሚጎዱት ነገሮች መቆጠብ ጀምሯል። ጉዳዩ የሚመለከተንን የቤተሰቡን አባላት ሁሉ ማናገርህ ደግሞ ትልቅ ውጤት አስገኝቷል። ምክንያቱም የልጁን የተለየ ባህርይ በሚመለከት ሁላችንም አንድ ዓይነት ግንዛቤ እንድንይዝና ተመሳሳይ ድጋፍ እንድንሰጠው አስችሎናል። ወደፊትም ድጋፍ ማድረግህን እንደምትቀጥል ሙሉ እምነት አለን። ለተደረገልን ሁሉ እጅግ በጣም እናመሰግናለን።

I've taken part in lots of teachers’ capacity-building trainings, and this is by far the best I've ever attended.

The training opened our eyes so much so that it pains me that I have been in teaching profession all these years without knowing why some of my students academically behaved the way they did. It’s never too late! Thank you all so much!

AZ እባላለሁ። አሁን የ አዲስ አበባ ዩንቨርሲቲ 5ኛ ዓመት የconstruction technology and management ተማሪ ነኝ። ከዛሬ 5,6 ዓመት በፊት.... ነበር ፋና የመጣሁት። ከዛ በፊት ችግሬ ስም እንዳለውም ሳላውቅ፤ በራሴ ዋሻ ውስጥ ተደብቄ ነበር። በ Stuttering ምክንያት ብዙ ነገር አጥቼ፤ ከብዙ ነገር ተገድቤ፤ ያለኝን አቅም ቀብሬ ታስሬ ነበር። 👉ሱቅ ለብቻዬ አልሄድም፤ አስተማሪ ጥያቄ አልጠይቅም፤ presentation እማ ሞቴ ነበር። በጣም ብዙ ብዙ ነገር.... 👉ፋና ለኔ የእውነት "ፋና" ነበር። ምን ተከሰተ መሰላችሁ.... የሆነ ቀን ፊልም እያየሁ stutter የሚያደርግ ሰውዬ ነበር እና.... "you are stutterer" እያሉ #ሲያሾፉበት። የችግሬን ስም አገኘሁ....🙈🙊😳 በጣም ደስ አለኝ.... ችግሬ ስም አለው?!....😳 ዓለም ያውቀዋል!?....🙈 ከዚህ በላይ ምን ደስታ አለ?!....🙊 ለብቻዬ አደለሁም?! የሚረዳኝ ሰው አለ ማለት ነው።😳😄 Google search አደረኩ.... ብዙ ነገር ተማርቁ፤ አወኩ..... ለእኔ ትልቅ እረፍት ነበር። በመቀጠል ኢትዮጵያ ውስጥ እንደዚህ አይነት አገልግሎት የሚሰጥ ተቋም ካለ ብዬ እንደቀልድ ነበር search ያደረጉት። አገኛለሁ ብዬ ጭራሽ ተስፋ አላደረኩም ነበር፤ Google Search አድርጌ ሴንተሩን ሳገኝ አላመንኩም! ኢትዮጵያ ውስጥ እንደዚህ አይነት አገልግሎት የሚሰጥ center አለ?.... ዝም ብዬ ልሞክር ብዬ ደወልኩ..... ሄድኩ.... እውነት ነበር። የሚሰማኝ.... የሚረዳኝ.... ሰው ብቻ ሳይሆን ተቋም አገኘሁ። ሳላወራ የሚረዳኝ.... በነፃ እኔን ለመርዳት ፍቃደኛ የሆነ.... ይህ አጋጣሚ ለእኔ አዲስ ምዕራፍ ነበር፤ ዳግም እንደመወለድ ነበር... የእውነት! ቢያንስ 1 ዓመት በብዙ ነገር ሲደግፉኝ፣ ሲያሰለጥኑኝ፣ እንደ አዲስ የማያስፈልጉ ቅርፊቶችን እያራገፉ ሲሰሩኝ ነበር.... ምን ማለት እችላለሁ.... እግዚአብሔር አብዝቶ ይስጥልኝ! #ከፋና_በኃላ..... #በዚህ_4_ዓመት..... 👉- እቃ ለብቻዬ መግዛት ጀመሪያለሁ... 😄😜 👉- መናገር ባለብኝ ሰዓት እናገራለሁ። 👉- ግቢ ውስጥ በተለያዩ ክበባት መሳተፍ ጀመርኩ 👉 - ያለፈው አመት ከ850 በላይ ተማሪዎችን ያቀፈ ማህበር president ነበርኩ። 👉- ብዙ ስብሰባዎችን እመራለሁ 👉- ከማላቀው ብዙ ሰው ጋር እገናኛለሁ 👉- ተማሪ አስተባብራለሁ 👉- በፊት ተማሪ ሰላም ላለማለት መንገድ የምቀይር ልጅ አሁን አደባባይ ላይ ሆም ብዬ ቆሜ ሰላም እላለሁ።😄😂 👉- የተለያዩ ፕሮግራሞች ላይ ከሌሎች እኩል ተወዳድሬ፤ interview ሳልፈራ፤ መጀመሪያ stammering የሚባል speech disorder እንዳለብኝ አስረድቼ (ባይገባቸውም.....😊) በድፍረት ያለኝን ነገር አቀርባለሁ። -ሁልጊዜ ከፋና ዝም ብዬ እንዲህ በመቅረቴ ይጸጽተኝ ነበር። ግን አንድ ቀን መጥቼ ያሳለፍኩትን ነገር እንደማካፍል፣ ማገዝ በምችለው ሁሉ እንደማግዝ አውቅ ነበር። ይህ ገፅ በመከፈቱ ደግሞ በጣም ደስ ብሎኛል። ትልቅ ነገር ነው። - አሁንም ሁሉ ነገር ሰላም ነው፤ ችግር የለብኝም፤ ምን ተፅዕኖ የለብኝም ለማለት ሳይሆን.... በቃ አሁን ተቀብዬዋለሁ፤ ተቻችሎ መኖርን ይየተለማመድኩ ነው። "#እችላለሁ!".... እውነት ነው እኔ ምስክር ነኝ!🙋‍♀ በድጋሚ...... ስለሁሉ ነገር እግዚአብሔር ይስጥልኝ! ያክብርልኝ! አመሰግናለሁ!!!!

The booklet was prepared in a very simple language, despite the difficulty translating some technical terms into Amharic. Very well done!!